華強 「9.25」 首批 iPhone 6s 開盤，說好的「蝕死炒家呢」？
中國 AOS / IR 長開長有，反為 HK 訂到無貨。今次 iPhone 6S 一反常態，很多真用家可以首輪搶到心頭好；炒家就慘一點，大部份已經 CUT 單止蝕。奇怪事來了，當大家見到 Apple 官方咁多貨，剛剛幾間華強 貼出的首批 9.25 拿機的 iPhone 6s 預訂價，仍有不少「炒價」水位，在場所見亦有顧客比錢落訂，到底點解咁傻比貴錢都唔幫襯官店 ?
中國行家話，其實而家唔多人識上官網買機同做 IR，佢地習慣手機淘寶唔等於識上網買 iPhone ，仲有好多人仲意落舖訂，不留私穩同信用咭資訊，一手比錢一手比貨，同埋「你懂的」，有人故意唔想落官舖買，留低任何交易紀錄..
Source: http://unwire.hk/2015/09/22/925-iphone-6s/mobile-phone/
… Read More
「炒iphone6好過炒股票」，不少打工仔同學生，每天指定動作便是click入iphone官網買機。有指大陸一日未開售iphone 6，iphone 6仍大有炒賣空間。究竟炒iphone係咪咁好搵？壹仔跟隨大學生明仔北上位於深圳華強北的「phone交所」放機，親歷賺取iphone「血汗錢」的經過。
明仔早上看網站「華強收機價」，滿心歡喜以為每部128 gb的phone 6，可以賣一萬元人民幣，但他有所不知，網站所謂的「收機價」，往往誇大，無非是想吸引港人到華強北放機，然後壓價，心急的港客唯有「局住」放機。
不知就裏的明仔帶兩部容量128 gb的iphone 6到華強北「放機」。豈料炒iphone不易，大陸口岸加強打擊帶iphone 6水貨客，明仔過關時膽顫心驚，擔心會被海關扣查。
最終明仔鬆一口氣，順利到達華強北，但他發現四處都是心急放機的香港人，明仔起初堅持以八千元人民幣放售，豈料途中不斷被店主壓價，明仔更被強國大媽白眼，大媽嫌明仔開價太高，揮手鬧明仔：「你行開啦！」
明仔問了十間店鋪，每問一間，店員報價愈來愈低，他開始洩氣了，明仔最終以6900元人仔賣機，雖然賺了兩千多元港幣，但他喃喃自語：「行成日，先賺得二千蚊咋，仲要可能被大陸海關拉，下次咪搞我。」其實好彩明仔早放機，分分鍾炒iphone，蝕本收場呀。… Read More