Page 1 of 11

新手放機必讀 3 貼士

新手放機必讀 3 貼士

 

iPhone 6s 放機隨時高幾百 點止去先達?新手放機必讀 3 貼士

iPhone 6s 及 iPhone 6s Plus 於本周五(9 月 25 日)正式上市,部分經 Apple Online Store(AOS)網購的買家,有機會於當日收到 iPhone 6s。另外,首批經 iReserve 預留新 iPhone 的買家,當天亦可於指定時段到指定 Apple Store 專門店買機。若然閣下打算將 iPhone 6s / iPhone 6s Plus 即日放售,就要「識路」放機。記者根據多年來 iPhone 銷售及炒賣情況,總結以下幾個「搵地方放機」貼士。

貼士一:Apple Store 專門店「即買即劏」有驚喜

不少炒機新手都會以為去先達放機「無死錯人」,事實上先達確實是收機的集中地,但別要寄望 iPhone 6s 回收價會有「驚喜」。想有「驚喜」,iPhone 6s 或 iPhone 6s Plus 放機人士可能到 Apple Store 門外「搏一搏」,隨時有意外收穫。記者訪問過專業炒家小炒王,他表示去年 iPhone 6 開賣時,IFC 及銅鑼灣的 Apple Store 專門店門外及附近地段的「交投」十分活躍,不少國內「收機佬」都會即場收機,開價有時會高先達 $50 至 $100。小炒王補充,屆時想知道先達即場報價,就要上網 check check。小炒王又指,Apple Store 專門店門外,不時都會有國內旅客想即場買機,如果炒家遇上這些心急「散客」,放機價隨時可以比先達高幾百元呢!

貼士二:先達「交易所」更上一層樓

如果唔想在街上交易放機,又或者遇唔到好價放售,去先達都可以話係「正路」。不過先達收機店舖超多,不論地下、一樓及二樓都有店舖舉牌收機,究竟去邊間放機有著數?老實說,先達收機價都頗為「海鮮」,主要都係睇舖頭當日的收機目標已否已達到。未收夠,自己開價進取;收夠機又或者現金不足,自然開「賤價」回收。想知道邊間先達舖開最高回收價,可以話係每小時都唔同,放機人士真係要行完地下,再上一層甚至一兩層問多幾間。

貼士三:面交放機要小心

除先達之外,不少收機佬都會走上各大討論區、Facebook 群組或專頁,表明有意收機。想放機的人,可以私下聯絡收機佬,再自己相約地點面對面交收。這個放機方法有風險嗎?其實等同網上 bid 物品又或私下網購,當面交收時大家都要清楚點收貨品及現金,一手交錢一手交貨是常識。不過溫提大家,最近港鐵嚴打乘客於港鐵站大堂內進行商業活動,想「唔出閘」交收,要注意喇!

Source: http://www.e-zone.com.hk/channelnews.php?id=9024

  • Facebook
  • Add to favorites
  • Email
  • RSS
Posted in 必讀秘密攻略 Tagged with: , , , , , , , , ,
Email
Print