iPhone 6s 中港市況大矛盾 先達 Lo 哥看淡：頂多炒一星期

iPhone 6s / iPhone 6s Plus 今天中港同步開放 Apple Online Store（AOS）網上訂購。果農果粉果黑最期待的 iPhone 6s Plus 大玫瑰金，於本地 AOS，不論任何容量，均於約 3:15pm 售罄，其他型號的出貨時間亦很快由 3 至 4 星期轉為 4 至 6 星期。而去到星期日 (13/9)凌晨，iPhone 6s 才售罄。不過，內地 AOS 市況卻截然不同，大玫瑰金任何容量，發貨時間仍是 2 – 3 周，其他型號也大把貨，甚至仍可以 9 月 25 日正式開賣當天，送抵府上，堅係中港矛盾！就算去到開始預訂後的第二天，即星期日 (13/9)下午 4pm，iPhone 6s Plus 仍有貨，出貨 3 至 4 個星期，而 iPhone 6s 更只需 2 至 3 個星期。

內地冇 cut 單同胞審慎

先達 G-World Mobile 負責人 Lo 哥典睇上述中港市況矛盾？他分析：「內地仍有貨是很正常，內地咁大，人口咁多！仲有，內地玩法與香港不同，內地冇得 cut 單，落訂就一定要買，所以內地消費者落訂前較審慎。不過我估 Apple 今次係預多咗玫瑰金色，這個有點意外。」

其實我想知有冇得炒呀！「咁情況，今次會炒得好辛苦，頂多炒 1 星期。因為內地有貨，內地更易控制個價，我哋話唔到事，去年則是我哋控制個價。」

AOS 可平手離場？

喂 AOS 出貨最快 3 至 4 星期，趕唔切喎！「係呀，我諗 AOS 都係用家多。如果你投資 AOS，我諗又唔會蝕嘅，平手離場囉！iReserve 的，第一周內取機即放，仲有得炒！」可惜 Lo 哥以未開賣為由，始終不肯開價。

由於 iPhone 6s / iPhone 6s Plus 中港售價有別，如果說同胞打算稍後來港購買定價相對便宜的港版 iPhone，所以導致內地 AOS 囤積居奇，這種假設合邏輯嗎？Lo 哥：「有可能，不清楚，但溢價都不會高，始終內地已有貨。」

Source: http://www.e-zone.com.hk/channelnews.php?id=8847f002